Protestat në qytetin ukrainas Kherson kundër pushtimit rus

23:48 | 13 Mars 2022
Trina Galanxhi

Gjatë ditës së sotme janë zhcilluar protesta kundër pushtimit rus në Ukrainë edhe në Kherson.

Kherson ishte qyteti i parë i madh që ra nën pushtimin rus. Qyteti me rreth 290,000 banorë është një port jetik i Detit të Zi, transmeton portal arbresh.info

Presidenti i Ukrainës Volodymyr Zelenskyy ka akuzuar rusët për përdorimin e shantazhit dhe ryshfetit në një përpjekje për të detyruar zyrtarët lokalë të formojnë një “pseudo republikë” si ato në Donetsk dhe Luhansk, dy rajone në Ukrainën lindore ku separatistët pro-rusë filluan të luftojnë forcat ukrainase në vitin 2014.

Sipas mediave ukrainase, në Kherson duhet të zhvillohej një referendum mbi shkëputjen e qytetit nga Ukraina, megjithëse politikanët vendas shprehën zemërimin mbi mundësinë e shndërrimit të rajonit në një republikë të shkëputur.

Të dielën u zhvillua protesta kundër pushtimit rus dhe njerëzit mbanin në dorë flamurin ukrainas./sky/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm